பெற்றோர்கள் தங்கள் குழந்தைகளுக்கு பிஸ்கட் சாப்பிட கொடுப்பது நல்லதா? கெட்டதா?

பெற்றோர்கள் தங்கள் குழந்தைகளுக்கு  பிஸ்கட் சாப்பிட கொடுப்பது நல்லதா?  கெட்டதா?

பெரும்பாலான தாய்மார்கள் குழந்தைகளுக்கு பிஸ்கட் போன்ற ஸ்நாக்ஸ் களை உணவுகளாக  கொடுக்கின்றனர். இது முற்றிலும் உடலுக்கு கேடு விளைவிக்கக் கூடிய ஒன்றாகும்.

இன்றைய காலக்கட்டத்தில் தாயார்மார்கள் குழந்தைகள் சாப்பிட அடம்பிடிப்பதால் அவர்களின் பசியை போக்குவதற்காக பிஸ்கட் போன்ற ஸ்நாக்ஸ்களை கொடுப்பதை வழக்கமாக கொணஙடுள்ளளனர். உண்மையில் பிஸ்கட் தயாரிக்க சேர்க்கப்படும் மைதா, குளுக்கோஸ், ஈஸ்ட், சோடியம் பை கார்பனேட், நிறமிகள், சுவையூட்டிகள் என எதுவுமே உடலுக்கு ஆரோக்கியமானது அல்ல. இதைப் பெற்றோர்கள் மனதில் கொள்ள வேண்டும்.

ஏனெனில் பிஸ்கட்டுகள் நீண்ட நாள்கள் கெட்டுப்போகாமல் இருக்க சேர்க்கப்படும் ஹைட்ரஜனேட் கொழுப்புகள் (பதப்படுத்தி) குழந்தைகளுக்கு ஒபிசிட்டி பிரச்னையை ஏற்படுத்தும் என்று மருத்துவர்கள் கூறுகின்றனர். 

பிஸ்கட்டுகளில் கலோரிகள் அதிகம் உள்ளதால் நாம் எடுத்துக்கொள்ளும் ஒரு பிஸ்கட் செரிமானம் ஆக, குறைந்தது ஒரு மணிநேரமாவது தேவைப்படுகின்றது.

குழந்தைகள் ஒன்றுக்கும் மேற்பட்ட பிஸ்கட்டுகளை ஒரே நேரத்தில் சாப்பிடும் போது அவர்களுக்கு பசியின்மை ஏற்படுகிறது. மற்ற உணவுகளைச் சாப்பிடுவதை குழந்தைகள் தவிர்த்துவிடுவார்கள்.

சாதாரண பிஸ்கட்டுகளுடன் ஒப்பிடுகையில், கிரீம் பிஸ்கட்டுகள் இன்னும் ஆபத்தானவை ஆகும்.

கிரீம் பிஸ்கட்டுகளில் சேர்க்கப்படும் ஃப்ளேவர்கள் மற்றும் நிறங்கள், முழுக்க முழுக்க ரசாயனங்களால் ஆனது. அதன் சுவைக்காக சுக்ரோஸ் அதிகமுள்ள வெள்ளைச் சர்க்கரை அதிக அளவு பயன்படுத்தப்படுகிறது. இது, பெரியவர்கள் மற்றும் குழந்தைகள் உட்பட எல்லாருடைய உடம்பிலும் ரத்தத்தில் சர்க்கரையின் அளவை அதிகரிக்கச் செய்யும் தன்மை கொண்டது.

உப்பு சேர்க்கப்படும் பிஸ்கட்டுகளில் சோடியம் கார்பனேட், ரத்த அழுத்தத்தை அதிகரிக்கும். தொடர்ந்து அளவுக்கு அதிகமான உப்பு சுவைகொண்ட பிஸ்கட்டுகள் சாப்பிடும்போது, குழந்தைகளுக்கு சிறுநீரகப் பிரச்னை ஏற்பட வாய்ப்பு உண்டு.

பிஸ்கட்டுகள் மைதா மாவில் தயார் செய்யப்படுவதால், மலச்சிக்கல் போன்ற பிரச்சனைகள் ஏற்படும் வாய்ப்புகள் அதிகம்.

ஒரு சில பெற்றோர்கள் தங்கள் குழந்தைகளுக்கு ஒரு டம்ளர் பாலுடன் இரண்டு பிஸ்கட்டுகள் கலந்து சாப்பிட கொடுக்கும்போது, குழந்தைகளின் உடலில் கொழுப்புச்சத்து அதிகரித்து, அவர்கள் சற்று மந்தநிலையுடன் காணப் படுவார்கள்..  குழந்தைகளுக்கு அஜீரணப் பிரச்சினைகள் உண்டாக வாய்ப்பு அதிகம். எனவே பெற்றோர்கள் தங்கள் குழந்தைகளின் ஆரோக்கியத்தில் அதிக கவனம் செலுத்த வேண்டும். 

சில பிஸ்கட் பாக்கெட்டுகளில், சுகர் ஃப்ரீ (Sugar Free)  பிஸ்கட்டுகள் என எழுதப் பட்டிருக்கும். ஆனால் இந்தக் குறிப்பிட்ட பிஸ்கட்டுகளில் சுக்ரோஸ் Sucrose  நிறைந்த சர்க்கரை Sugar  கலந்திருக்க மாட்டார்கள். 

ஆனால், அதன் சுவைக்காக சுகர் ஃப்ரீ மாத்திரைகள், சோள மாவு, சுகர் சிரப்புப் போன்றவை சேர்க்கப்பட்டிருப்பதால் உடலில் உள்ள மெட்டபாலிசத்தின் அளவைக் குறைப்பதோடு, கல்லீரல் சார்ந்த பிரச்னைகளையும் ஏற்படுத்தலாம்.  எனவே பெற்றோர்கள் தங்கள் குழந்தைகளின் ஆரோக்கியத்தில் அதிக கவனம் செலுத்த வேண்டும். 

எனவே, குழந்தைகளுக்கு இயற்கை உணவு அல்லது வீட்டில் தயார்செய்த உணவுகளை சாப்பிடக்கொடுப்பதே ஆரோக்கியத்தை கொடுக்கும். வளரும் குழந்தைகளுக்கு பிஸ்கட் சாப்பிட கொடுப்பதை தவிர்ப்பது மிகவும் நல்லதாகும்.

அப்படிக் குழந்தைகளுக்கு இயற்கை உணவுகளை கொடுக்க முற்படும்போது அவரகளின் உடல் வளர்ச்சி நல்லமுறையில் சீராக இருக்கும். மூளை சுறுசுறுப்புடன் இருக்கும். பிள்ளைகள் நல்ல ஆக்டிவாக இருப்பார்கள்.