2 முதல் 9-ம் வகுப்பு வரை பள்ளி மாணவர்களுக்கு கல்வி தொலைக்காட்சி பாடப்பயிற்சி - முழு விவரம்

2 முதல் 9-ம் வகுப்புவரை பள்ளி மாணவர்களுக்கு கல்வி தொலைக்காட்சி மூலம் பாடப்பயிற்சி மே 10-ந் தேதி வரை நடக்கிறது. 

பள்ளிகள் மூடல் 

2020-21-ம் கல்வியாண்டில் கொரோனா பெருந்தொற்று காரணமாக பள்ளிகள் நீண்ட காலம் மூடப்பட்டுள்ளது. எனவே, மாணவர்களுக்கு ஏற்பட்ட கற்றல், கற்பித்தல் இடைவெளியை சரிசெய்யும் பொருட்டு அரசு / அரசு உதவிபெறும் தொடக்க / நடுநிலை / உயர் மற்றும் மேல்நிலைப் பள்ளிகளில் 2 முதல் 9-ம் வகுப்புவரையுள்ள மாணவர்களுக்கு இணைப்புபயிற்சி கட்டகமும் (Bridge Course Material), 1 முதல் 9-ம் வகுப்புவரையிலான மாணவர்களுக்கு பயிற்சிபுத்தகமும் கல்வித்துறையால் வழங்கப்பட்டுள்ளது.பள்ளிக்கல்விதுறை முதன்மைச் செயலாளர் அறிவுரையின்படி, மாணவர்கள் பயன்பெறும் வகையில் முதற்கட்டமாக நேற்று முதல் மே மாதம் 10-ந் தேதி வரை இணைப்பு பாடப்பயிற்சி கட்டக (Bridge Course Material) காணொலிகள் கல்வி தொலைக்காட்சியில் ஒளிபரப்பப்பட உள்ளது. 

காணொலியில் ஒளிபரப்பு 

ஒரு வகுப்பிற்கு தினசரி 2 காணொலி வீதம் (1 காணொலி 30 நிமிடங்கள்) 2 முதல் 9-ம் வகுப்புகளுக்கு ஒளிபரப்பு செய்யப்படுகிறது. மே 10-ந் தேதிவரை கல்வி தொலைக்காட்சியில் ஒளிபரப்பு செய்யப்படும் விவரம் வருமாறு: 

 9-ம் வகுப்பு: காலை 8 மணி- 8.30 மணி. பகல் 12 மணி- 12.30 மணி. 

8-ம் வகுப்பு: காலை 8.30 மணி-9 மணி. பகல் 12.30 மணி- 1 மணி. 

7-ம் வகுப்பு: காலை 9 மணி-9.30 மணி. பிற்பகல் 1.30 மணி- 2 மணி. 

6-ம் வகுப்பு: காலை 9.30 மணி- 10 மணி. பிற்பகல் 2 மணி- 2.30 மணி. 

5-ம் வகுப்பு: காலை 10 மணி- 10.30 மணி. பிற்பகல் 2.30 மணி- 3 மணி. 

4-ம் வகுப்பு: காலை 10.30 மணி- 11 மணி. மாலை 3 மணி- 3.30 மணி. 

3-ம் வகுப்பு: காலை 11 மணி- 11.30 மணி. மாலை 3.30 மணி- 4 மணி. 

2-ம் வகுப்பு: முற்பகல் 11.30 மணி- பகல் 12 மணி. மாலை 4 மணி- 4.30 மணி. 

பயிற்சி புத்தக காணொலி 

இணைப்புப்பாட பயிற்சிகட்ட காணொலி ஒளிபரப்பு மே 10-ந் தேதியன்று முடிவடைந்த உடன், தொடர்ந்து பயிற்சி புத்தகத்திற்கான காணொலிகளும் ஒளிபரப்பு செய்யப்படும். எனவே, முதற்கட்டமாக வழங்கப்படும் இணைப்பு பாடப்பயிற்சி கட்டகம் காணொலி ஒளிபரப்பினை அனைத்து மாணவர்களும் பயன்படுத்திக்கொள்ள வேண்டும் என் திருச்சி முதன்மைக் கல்வி அலுவலர் அறிவழகன் கேட்டுக் கொண்டுள்ளார்.