நகைச்சுவை நடிகர் தாமுவுக்கு தேசிய கல்வியாளருக்கான விருது

நகைச்சுவை நடிகர் தாமுவுக்கு தேசிய கல்வியாளருக்கான கவுரவ விருது வழங்கப்பட்டுள்ளது. 

கல்வித் துறையில் அவருடைய பங்களிப்புக்காக இவ்விருது வழங்கப்படுவதாக அறிவிக்கப்பட்டு இருக்கிறது. டெல்லியை தலைமையிடமாக கொண்ட தேசிய கவுன்சிலான கல்வி வளர்ச்சி மற்றும் ஆராய்ச்சி மையம் மூலமாக இந்த விருது வழங்கப்படுகிறது. 50 பல்கலைக்கழக அதிபர்கள் மற்றும் துணைவேந்தர்கள், பல்வேறு நிறுவன தலைவர்கள், தொழில் அதிபர்களை கொண்ட கவுன்சில் இது. ‘‘இதன் மூலம் இளைஞர்களின் நல்வாழ்வை வளர்ப்பது மற்றும் அவர்களின் எதிர்காலத்தை மேம்படுத்துவது போன்ற பணிகளில் தொடர்ந்து செயல்படுவேன்’’ என்று தாமு கூறினார்.