கொரோனா நோய்த் தொற்று கடந்த ஆண்டு முதல் ஒரு கை பார்த்து வருகிறது. அந்தவகையில் கடந்த கல்வியாண்டில் மாணவர் சேர்க்கை என்பது தாமதமாகவே நடந்தது. அதேபோல், மாணவர்களுக்கான படிப்புகளும் ஆன்லைன் மற்றும் ஆப்லைன் மூலம் நடத்தப்பட்டன.
இந்த நிலையில் 2021-22-ம் கல்வியாண்டுக்கான தொழில்நுட்ப கல்வி நிறுவனங்களில் தொழில்நுட்ப படிப்புகளுக்கு (முதுகலை டிப்ளமோ, சான்றிதழ் படிப்புகள் தவிர) கலந்தாய்வு, மாணவர் சேர்க்கை எப்போது? என்பது குறித்து "அகில இந்திய தொழில்நுட்ப கல்வி கவுன்சில்" அட்டவணையாக வெளியிட்டு இருக்கிறது. அதன்படி அந்த அட்டவணையில் கூறப்பட்டு இருப்பதாவது:-
தொழில்நுட்ப படிப்புகளில் சேருவதற்கான முதற்கட்ட கலந்தாய்வு மற்றும் மாணவர் சேர்க்கையை ஆகஸ்டு மாதம் 31-ந்தேதிக்குள் முடிக்க வேண்டும்.
தொழில்நுட்ப படிப்புகளில் படிக்கும் தற்போதைய மாணவர்களுக்கான வகுப்புகள் செப்டம்பர் 1-ந்தேதிக்குள் தொடங்கப்பட வேண்டும்.
அதேபோல், தொழில்நுட்ப படிப்புகளில் சேர 2-ம் கட்ட கலந்தாய்வு மற்றும் மாணவர் சேர்க்கையை செப்டம்பர் 9-ந்தேதிக்குள் நிறைவு செய்ய வேண்டும்.
தொழில்நுட்ப படிப்புகளில் முதலாம் ஆண்டு சேர்க்கையில் தேர்வான மாணவர்கள் செப்டம்பர் 15-ந்தேதிக்குள் சேர வேண்டும்.
அவர்களுக்கான வகுப்புகளும் அதே தேதிக்குள் தொடங்கப்பட வேண்டும்.
மேலும் 2-ம் ஆண்டில் நேரடியாக சேரும் மாணவர்களை செப்டம்பர் 20-ந்தேதிக்குள் சேர்க்கப்பட வேண்டும்.
இவ்வாறு அதில் தெரிவிக்கப்பட்டுள்ளது.
No comments:
Post a Comment