என்.எல்.சி., வேலை வாய்ப்பு எழுத்துத் தேர்வு தேதி மாற்றம்

 

என்.எல்.சி., இந்தியா நிறுவனத்தின் மருத்துவமனையில் ஏற்பட்டுள்ள தற்காலிக வேலை வாய்ப்பு எழுத்துத் தேர்வுக்கான தேதி கொரோனா காரணமாக மாற்றப்பட்டுள்ளது. கடலுார் மாவட்டம், நெய்வேலி என்.எல்.சி., மருத்துவமனையில் தேர்வு செய்யப்பட இருக்கும் செவிலியர் மற்றும் மருத்துவ உதவியாளர் குறித்த விளம்பரம் (விளம்பர எண்.02/2021) 12.05.2021 நாளிதழ்களில் வெளிவந்ததில், எழுத்துத் தேர்வு நடைபெறும் நாள் 26.05.2021 மற்றும் 27.05.2021 என குறிப்பிடப்பட்டிருந்தது.

ஆனால், கொரோனா தொற்று தாக்கம் காரணமாக மருத்துவ மனையில் ஏற்பட்டுள்ள கூடுதல் தேவையைக் கருத்தில் கொண்டு, இந்த தேதிகளை மாற்றி யமைத்து, எழுத்துத் தேர்வு நாளை 20.05.2021 மற்றும் 21.05.2021 எனவும் மாற்றி அமைக்கப் பட்டுள்ளது.இத்தகவலை என்.எல்.சி., நிர்வாகம் தெரிவித்துள்ளது.