உலக அளவில் 200 இடங்களுக்குள் பிடித்து இந்திய கல்வி நிறுவனங்கள் சாதனை பிரதமர் டுவிட்டரில் வாழ்த்து

உலக அளவிலான சிறந்த பல்கலைக்கழங்களுக்கான லண்டன் கியூ.எஸ். தரவரிசை பட்டியல் வெளியாகி உள்ளது. இதில் 200 பல்கலைக்கழகங்கள் இடம் பெற்றுள்ளன. 

 இந்த பட்டியலில் நமது நாட்டில் இருந்து 3 மத்திய கல்வி நிறுவனங்கள் இடம் பிடித்து சாதனை படைத்துள்ளன. மும்பை ஐ.ஐ.டி. 177-வது இடம் பிடித்துள்ளது. டெல்லி ஐ.ஐ.டி. 185-வது இடத்தைப் பெற்றுள்ளது. பெங்களூரு ஐ.ஐ.எஸ்.சி. (இந்திய அறிவியல் கழகம்) 186-வது இடம் வந்துள்ளது. இந்த சாதனைகளுக்காக இந்திய கல்வி நிறுவனங்களை பிரதமர் மோடி பாராட்டி டுவிட்டரில் பதிவு வெளியிட்டுள்ளார்.