மருத்துவ தொழில்நுட்ப பணிக்கு இலவச பயிற்சி கலெக்டர் தகவல்

மத்திய அரசின் திறன் மேம்பாடு மற்றும் தொழில் முனைப்பு அமைச்சகத்தின் பிரதமர் கிசான் விகாஸ் யோஜனா என்ற பயிற்சி திட்டத்தின் கீழ் தமிழ்நாடு திறன் மேம்பாட்டுக்கழகம் சார்பில் கோவிட்-19 தொடர்பாக வேலை வாய்ப்புடன் கூடிய திறன் பயிற்சி இலவசமாக வழங்கப்படுகிறது. 

அதன்படி அவசர மருத்துவ தொழில்நிபுணர், மருத்துவ உதவியாளர்கள், மருத்துவ உபகரணங்கள் தொழில்நுட்ப உதவியாளர் போன்ற பணியிடங்களுக்கான பயிற்சிகள் குறுகிய காலத்தில் வழங்கப்பட உள்ளது. இதற்கு 10-ம் வகுப்பு தேர்ச்சி, பிளஸ்-2 தேர்ச்சி, 10-ம் வகுப்பு முடித்து ஐ.டி.ஐ. தேர்ச்சி பெற்றவர்கள், 3 முதல் 5 ஆண்டுகள் வரை பணி அனுபவம் உள்ளவர்கள் மற்றும் பட்டய படிப்பு முடித்தவர்கள் விண்ணப்பிக்கலாம். 

விருப்பம் உள்ளவர்கள் தங்களது பெயர், கல்வித்தகுதி, முகவரி, தொலைபேசி எண், மின்னஞ்சல் முகவரி ஆகியவற்றை http://tinyurl.com/ekavkz27 என்ற இணையதளத்தில் பதிவு செய்ய வேண்டும். மேலும் விவரங்களுக்கு 94424 94266, 94430 72649, 94433 84133, 94990 55702 ஆகிய தொலைபேசி எண்களில் தொடர்பு கொள்ளலாம். இந்த தகவலை ஈரோடு மாவட்ட கலெக்டர் சி.கதிரவன் தெரிவித்து உள்ளார்.