மூத்த தமிழ் அறிஞர்களுக்கான உதவித்தொகை பெற விண்ணப்பிக்கலாம் தமிழக அரசு அறிவிப்பு

மூத்த தமிழ் அறிஞர்களுக்கான உதவித்தொகை பெற விண்ணப்பிக்கலாம் தமிழக அரசு அறிவிப்பு

 ╰•★★ Join Our WhatsApp ★★•╯ 

தமிழக அரசு வெளியிட்டுள்ள செய்திக்குறிப்பில் கூறியிருப்பதாவது:- தமிழக அரசின் தமிழ் வளர்ச்சித்துறை சார்பில் மூத்த தமிழ் அறிஞர்களுக்கு மாதம்தோறும் உதவித்தொகை வழங்கப்பட்டு வருகிறது. இந்த திட்டத்தின் கீழ் 2020-2021-ம் ஆண்டுக்கு உதவித்தொகை பெற தகுதியானவர்களிடம் இருந்து விண்ணப்பங்கள் வரவேற்கப்படுகின்றன. விண்ணப்பதாரர்கள் 1.1.2021 அன்று 58 வயது நிறைவடைந்தவராக இருக்க வேண்டும். 

ஆண்டு வருமானம் 72 ஆயிரம் ரூபாய்க்குள் இருக்க வேண்டும். தாசில்தார் அலுவலகத்தில் இணைய வழியில் பெறப்பட்ட வருமான சான்று, தமிழ்ப்பணியில் ஈடுபட்டதற்கான ஆதாரங்கள், தமிழ் அறிஞர்கள் இருவரிடம் இருந்து தமிழ்ப்பணி ஆற்றி வருவதற்கான தகுதிநிலை சான்று ஆகியவற்றை விண்ணப்பத்துடன் சேர்த்து அனுப்ப வேண்டும். இதற்கான விண்ணப்ப படிவத்தை www.tamilvalarchithurai.com என்ற இணையதளத்தில் பதிவிறக்கம் செய்து கொள்ளலாம். இந்த திட்டத்தின் கீழ் தேர்ந்தெடுக்கப்பட்டவர்களுக்கு மாதம்தோறும் ரூ.3,500 உதவித்தொகையாகவும், ரூ.500 மருத்துவ படியாகவும் வழங்கப்படும். விண்ணப்பங்களை அந்தந்த மாவட்டங்களில் இயங்கி வரும் தமிழ் வளர்ச்சித்துறை மண்டல துணை இயக்குனர்கள், மாவட்ட தமிழ் வளர்ச்சித்துறை துணை இயக்குனர், உதவி இயக்குனர் அலுவலகங்கள் மூலம் அனுப்ப வேண்டும். சென்னை மாவட்டத்தில் உள்ளவர்கள் ‘இயக்குனர், தமிழ் வளர்ச்சி இயக்ககம், தமிழ்ச்சாலை, எழும்பூர், சென்னை-18’ என்ற முகவரிக்கு நேரடியாக அனுப்பலாம். விண்ணப்பங்கள் அனுப்ப வேண்டிய கடைசி நாள் ஆகஸ்டு 31-ந் தேதி ஆகும். இவ்வாறு அதில் கூறப்பட்டுள்ளது.