பருவ இறுதி தேர்வு:20ம் தேதி கடைசி நாள்

:தமிழ்நாடு திறந்த நிலை பல்கலையில், ஜூலை மாத பருவ இறுதித் தேர்வுக்கு, வரும் 20ம் தேதிக்குள் விண்ணப்பிக்க வேண்டும். இது தொடர்பாக, பல்கலை பதிவாளர் ரத்னகுமார் வெளியிட்ட செய்திக் குறிப்பு: தமிழ்நாடு திறந்த நிலை பல்கலை, 2022 ஜூலை பருவ இறுதித் தேர்வுக்கு, கடந்த 6ம் தேதி முதல், இணைய வழி விண்ணப்பங்கள் பெறப்படுகின்றன. 

இந்தத் தேர்வில், 2003 முதல் சேர்க்கை பெற்று, இன்னும் படிப்பு முடிக்காத அனைத்து மாணவர்களும் தேர்வு எழுத, சிறப்பு அனுமதி வழங்கப்பட்டுள்ளது. மாணவர்கள் www.tnou.ac.in என்ற பல்கலை இணையதளத்திலும், https://tnouportal.com/exam.aspx என்ற இணைப்பின் வழியாகவும், தங்கள் தேர்வுக் கட்டணத்தைச் செலுத்தலாம். வரும் 20ம் தேதி கடைசி நாள்.இவ்வாறு அதில் தெரிவிக்கப்பட்டுள்ளது