என்ஜினீயரிங் படிப்புகளுக்கான கலந்தாய்வை அண்ணா
பல்கலைக்கழகம் நடத்தி வந்த நிலையில், கடந்த சில ஆண்டுகளாக
தொழில்நுட்பக் கல்வி இயக்ககம் நடத்தி வருகிறது.
விண்ணப்ப பதிவுமுதல் அனைத்துவிதமான கலந்தாய்வுபணிகளும்
ஆன்லைன் மூலமே நடத்தப்படுகிறது. நடப்பு ஆண்டுக்கான கலந்தாய்வும்
அதன்படியே நடக்க உள்ளது. இந்த நிலையில் இந்த கலந்தாய்வுக்கு
என்று பிரத்யேகமாக ஒருங்கிணைந்த இணையதளத்தை உருவாக்க
கலந்தாய்வு நடத்தும் தொழில்நுட்பக் கல்வி இயக்ககம் முடிவு செய்தது.
அந்த வகையில் இதற்கான பணிகள் அனைத்தும் முழுவீச்சில்
நடைபெற்று வருவதாகவும், விரைவில் அதனை அறிமுகம் செய்ய
திட்டமிட்டு இருப்பதாகவும் தகவல்கள் வெளியாகி இருக்கின்றன.
இந்த ஒருங்கிணைந்த இணையதளம் நடைமுறைக்கு வரும் பட்சத்தில்,
கலந்தாய்வில் குளறுபடிகள் என்ற பேச்சுக்கே இடம் இருக்காது
என்றும், கலந்தாய்வு முடிந்த பிறகும் இந்த இணையதளம் பயன்படும்
வகையில் மேலும் சில அம்சங்களையும் புகுத்த இருக்கிறோம்
என்றும் அதிகாரிகள் கூறுகின்றனர்.
No comments:
Post a Comment