UPSC யு.பி.எஸ்.சி., எழுதுவோர்க்கு ஊக்கத்தொகை: ஆக.17 கடைசி நாள்!

யு.பி.எஸ்.சி., எழுதுவோர்க்கு ஊக்கத்தொகை: ஆக.17 கடைசி நாள்! 

யு.பி.எஸ்.சி., முதல்நிலை தேர்வு எழுதும் பட்டதாரிகள் சிறந்த பயிற்சி புத்தகம் வாங்கவும், பயிற்சிக்கு உறுதுணையாக ஆண்டுக்கு 1000 பேருக்கு ஊக்கத்தொகை வழங்கப்படும் என தமிழக அரசு அறிவித்தது. மாதத்திற்கு ரூ.7500 வீதம் 10 மாதங்களுக்கு ரூ.75,000 வரை வழங்கப்படும். 

யு.பி.எஸ்.சி., தேர்வில் தமிழக பட்டதாரிகளின் தேர்ச்சி விகிதம் குறைவை தவிர்த்து, அவர்களும் தேர்வில் வெற்றி பெறும் நோக்கில் இத்திட்டம் அறிவிக்கப்பட்டுள்ளது. இந்த ஊக்கத்தொகை திட்டத்தில் 1000 பேரை தேர்வு செய்ய மதிப்பீட்டு தேர்வு செப்., 10 ம் தேதி நடக்க உள்ளது. 

இத்தேர்வில் பங்கேற்க ஆக.,2 முதல் http://www.naanmudhalvan.tn.gov.in இணையதளத்தில் விண்ணப்பிக்க வேண்டும். ஆக., 17 விண்ணப்பிக்க கடைசிநாள். ஆக., 30 அன்று தேர்வுக்கூட நுழைவு சீட்டு வெளியிடப்படும். செப்., 10 அன்று காலை 10:00 மணி முதல் மதியம் 1:00 மணி வரை மதிப்பீட்டு தேர்வு நடைபெறும் என தமிழ்நாடு திறன் மேம்பாட்டு கழகம் தெரிவித்துள்ளது.