மத்திய அரசின் உயர்கல்வித்துறை நிறுவனங்களான ஐ.ஐ.டி. மற்றும் என்.ஐ.டி.களில் இளநிலை பட்டப்படிப்புகளில் சேர, ஒருங்கிணைந்த நுழைவுத்தேர்வில் (ஜே.இ.இ.) தேர்ச்சி பெற வேண்டும். ஜே.இ.இ.தேர்வானது மெயின் தேர்வு மற்றும் அட்வான்ஸ் தேர்வு என இரு பிரிவுகளாக நடத்தப்படுகிறது. இதில், ஜே.இ.இ.மெயின் தேர்வு ஆண்டுதோறும் 2 கட்டங்களாக நடத்தப்படும்.
அதன்படி, 2024-25-ம் கல்வியாண்டுக்கான ஜே.இ.இ.மெயின் தேர்வு வருகிற 2024-ம் ஆண்டு ஜனவரி மாதம் 24-ந் தேதி முதல் பிப்ரவரி 1-ந் தேதி வரை நடைபெறுகிறது. இதற்கான, ஆன்லைன் விண்ணப்ப பதிவு கடந்த மாதம் 1-ந் தேதி முதல் 30-ந் தேதி வரை நடைபெற்றது.
இதற்கிடையில், ஜே.இ.இ.மெயின் தேர்வுக்கு விண்ணப்பிக்க கூடுதல் அவகாசம் வழங்க வேண்டும் என்று தேசிய தேர்வுகள் முகமைக்கு மாணவர்கள் கோரிக்கை விடுத்தனர்.
அதை ஏற்றுக்கொண்ட தேர்வு முகமை, ஜே.இ.இ.தேர்வுக்கு விண்ணப்பிக்க வருகிற 4-ந் தேதி வரை கால அவகாசத்தை நீட்டித்துள்ளது.
இந்த தேர்வுக்கு மாணவர்கள் https://jeemain.nta.ac.in என்ற இணையதளத்தில் விண்ணப்பிக்கலாம். ஏற்கனவே விண்ணப்பித்த மாணவர்கள் தங்கள் விண்ணப்பத்தில் திருத்தங்கள் மேற்கொள்ள வருகிற 6-ந் தேதி முதல் 8-ந் தேதி வரை தேசிய தேர்வுகள் முகமை அவகாசம் வழங்கி உள்ளது.
No comments:
Post a Comment