பல்கலைக்கழக மாணவர் சேர்க்கைக்கான ‘கியுட்’ தேர்வு தேதியில் மாற்றம் இல்லை யு.ஜி.சி. தலைவர் தகவல்

நாடு முழுவதும் அரசு, தனியார் பல்கலைக்கழகங்கள், நிகர்நிலை மற்றும் தனியார் பல்கலைக்கழகங்களில் மாணவர் சேர்க்கைக்கு பொது பல்கலைக்கழக நுழைவுத்தேர்வு (கியுட்) கடந்த 2022-ம் ஆண்டு அறிமுகப்படுத்தப்பட்டது. இந்த ஆண்டு இளங்கலை படிப்புகளுக்கான ‘கியுட்’ தேர்வு, மே 15-ந் தேதிக்கும், மே 31-ந் தேதிக்கும் இடையே நடைபெறும் என்று ஏற்கனவே அறிவிக்கப்பட்டு இருந்தது. அந்த காலகட்டத்தில் மே 20 மற்றும் 25-ந் தேதிகளில் நாடாளுமன்ற தேர்தல் நடக்கிறது. 

எனவே, ‘கியுட்’ தேர்வு தேதி மாற்றப்படுமா என்ற கேள்வி எழுந்தது. ஆனால், தேதிகளில் மாற்றம் இருக்காது என்று பல்கலைக்கழக மானிய குழு (யு.ஜி.சி.) தலைவர் ஜெகதீஷ் குமார் நேற்று அறிவித்தார். தேர்வுக்கு விண்ணப்பிக்கும் பணி 26-ந் தேதி முடிவடைகிறது. அதன்பிறகு தேர்வு அட்டவணை வெளியிடப்படும் என்றும் அவர் கூறினார்.